КАЛАСЕ, "МАРИЙ ЭЛ"

Каласе, «Марий Эл:  Пӧртылтат, но…

Ача-ава улмо правам поген налме гын, тудым угыч пӧртылташ лиеш мо?

 Е.Николаев.

 Морко район.

 Йодышлан Йошкар-Ола прокурорын алмаштышыже Ильдус Алимов вашештен:

 — Лиеш. Россий Еш кодексын 72-шо статьяж дене келшышын, ача-аван праваж деч посна кодымо-влак угыч тыгай праваштым пӧртылтен кертыт. Но тидлан нуно шке койыш-шоктыш, могай илышым вӱдымӧ, икшывым ончен куштымо йодыш шотышто умылымашыштым вашталтышаш улыт.

Тыгай правам угыч пӧртылтышашлан нуно судыш йодмашым возышаш улыт. Делам ончымо годым судышто опеке ден попечительстве органын еҥже, прокурор лийшаш улыт. Суд йочанат ты шотышто шонымашыжым шотыш налеш. Тудо тореш лиеш гын, ача-ава улмо правам огыт пӧртылтӧ. Но икшывын кумылжым 10 ий теммекыже веле ончат. Икшывым эргылыкеш налыныт да тидым шӧрымо огыл гын,  тыгак ача-аван ача-ава улмо праважым огыт пӧртылтӧ.
С.Носова

Опубликовать в Одноклассники

Добавить комментарий