Жапше годым меж почкымо вакшна Памарыште гӱжлен – шыже-телым изи огыл черет лийын. Ынде почкыктышо ий гыч ийыш шагалемеш. Теве южо кечын иктын-коктын веле толыт. Яллаште шорыкым кызыт шагал ашнат. Толыт Морко, Звенигово, Волжский районла гыч да Татарстан велым. Сентябрь гыч шошо марте тиде шуйна.
Межым почкыктымо дене пырляк портышкемым налаш шоненат толыт. Тудыжым Звенигово районысо Чуваш Отар ял гыч палымем ыштен конда. Сайын йӧра — налше-влак огыт ӧпкеле. Но кызыт портышкемжымат шагалын чият. Сандене меж вакшна кунамсек ышташ тӱҥалеш, каласен ом керт. Икмыняр ий гыч тоштерыш савырна докан. Туге гынат, шорыкым ашныше-влак огыт пыте гын, эше ыштена, шонем. Толза, вучена. Полшаш эре ямде улына.
Полышланна эҥертыше-влак пашанам палат да аклат. Меат нуным аклена, У ийыште тазалыкым, пиалым да чыла сайым гына тыланена!
В.Г.Кудрявцев,
меж вакшым кучышо амалкалче.
