УВЕР ЙОГЫН

У ий салам: МОРКО

Морко районын экономикыже утларакше ялозанлык дене кылдалтын. Тушто тӱрлӧ собственность форман 10 ялозанлык предприятий, 127 кресаньык (фермер) озанлык да калыкын 9350 озанлыкше шотлалтыт. 2019 ийлан ӱдышаш чумыр кумдык – 15,5 тӱжем гектар.

Тений шошо ага кучалтме, шӧрым погымо ак иземме да моло амаллан кӧра нелылык лийын гынат, ялозанлык продукцийым ӱмашсе деч утларак, 1294,8 миллион теҥгеашым (кодшо ийын 1273,4 миллион теҥге ыле) ыштен налме.

Ялозанлык предприятий-влак коклаште «Передовик» СХА, «Знамя» СПК-СХА да «Мир» ООО ойыртемалтыт. Нунын ӱдымӧ мландыштат кумдарак, вольыкыштат шукырак, лектышыштат кугурак, калыкыштат пашачырак улыт. Озанлык-влакын ончыкылык планыштат кугу, сандене пашашт ушнен толжо, шонымашышт шукталтше манаш гына кодеш.

Адакше мемнан Унчо селана финн-угор тӱнян тӱвыра рӱдыверже семын увертаралтын, сандене тусо да чумыр районысо калыклан шушаш ийыште чолгалыкым, нєлтшє кумылым, тазалыкым да пиалым тыланем!

А.Н.Голубков,

Морко район администраций вуйлатыше.

Опубликовать в Одноклассники

Добавить комментарий