21 декабрьыште Марий Эл Республик вуйлатышын темлымыж почеш, Марий Элын кудымшо созыв Кугыжаныш Погынжын 42-шо сессийже эртен.
Тудым Кугыжаныш Погын председатель Юрий Минаков вуден. Тӱҥ каҥашыме йодыш «2018 ийлан да 2019 ден 2020 плановый пагытлан Марий Эл Республикын республикысе бюджетше нерген» законыш вашталтышым пуртымо дене кылдалтын.
Сессийын пашашкыже Марий Эл Республик вуйлатышын полномочный представительже, министр Н.Н.Коротков, республикын прокуроржо С.Г.Беляков, Марий Эл Республикын Кугыжаныш счетный палатыжын председательже С.Ф.Каргальский да молат ушненыт.
Ты заседанийлан ямдылалтме амал дене Депутатын кечыже, Кугыжаныш Погын Президиумын да комитетше-влакын заседанийышт эртеныт. Тушто Марий Эл Республик вуйлатышын пуртымо вашталтышыже-влакым каҥашеныт. Сессийыште темлыме нине вашталтыш-влак дене финанс министрын пашажым жаплан шуктышо А.А.Торощин палдарен.
Темлыме вашталтыш почеш, республикын 2018 ийысе парыш ден роскотшым федеральный бюджет гыч пурышо шийвундо кӱшеш 500,3 миллион теҥгелан кугемдыме. Лачшымак, бюджет-влакым иктор кучымо, граждан-влаклан кӱкшӧ технологиян медицине полышым пуымо годым роскотым петыраш манын субсидийым, посна категорий граждан-влаклан эм препаратым ситарыме шотышто социальный услугым пуымо субвенцийым балансироватлыме дотаций кугытым ешарыме.
Граждан-влакын йодмашышт шагалеммылан кӧра кажне тылзын кумшо але утларак азам ыштымылан палемдалтше окса субсидий кугыт иземеш. Тыгак обязательный огыл социальный страхованиий радамыш пурыдымо лица-влаклан кугыжаныш пособийлан, пашадыме граждан-влаклан, да посна категорий лица-влаклан илыме-коммунальный услугылан тӱлаш социальный выплате шотышто полномочийым шуктышашлан субвенций шагалрак ойыралтеш.
Бюджетын роскот ужашыштыжат Марий Эл Правительствын пунчалже негызеш посна раздел-влак дене кылдалтше ассигнованийым кусаркалыме. Мутлан, пашадарлан да обязательный социальный страхований почеш бюджет сферыште ыштыше-влакын взносыштым тӱлаш, учреждений-влакын пашаеҥыштлан обязательный социальный страхований почеш взносышт шотышто кредиторский парымыштым петыраш, тыгак кугыжанышын обязательствыже почеш теполоэнергоресурлан да моло выплатым шӧраш республикын бюджетыштыже резервироватлыме окса кугыт ешаралтеш.
Кӱлешлык укелан кӧра Бюджет нерген законын южо посна положенийже-влакым вийдымылан шотлымо.
Муниципальный образований-влаклан окса полышым кугемдыме: оласе кумдыкым тачысе илышлан келшен толшын тӱзатыме шотышто всероссийский конкурсышто сеҥымылан кӧра проектым шыҥдараш полшаш Звенигово оласе поселенийын бюджетшылан дотацийым; школ деч ончычсо да общий образованийым, тыгак муниципальный общеобразовательный организацийлаште йочалан ешартыш образованийым налаш правалан илышыш шыҥдаралташ кугыжаныш гарантийым шукташ субвенцийым; гражданский состояний акт-влакым кугыжаныш велым регистрироватлыме шотышто кугыжаныш полномочийым шуктымо субвенцийым.
Тыгак верысе кучем орган-влакын пашаштым саемден колташ кумылаҥдыме амал дене грант-влакым ойырымо шотышто средствам палемдыме.
Марий Эл Республикын бюжетшын дефицитшым финансироватлыме источникын чумыр кугытшо 2018 ийысак кодеш. Депутат-влак республикын бюджетышкыже темлыме вашталтыш-влак да Законым пеҥгыдемдыме верч йӱкленыт.
С.Носова.
