Марий Эл Республик вуйлатыше Александр Евстифеев У ий пайрем дене кылдалтше кечылаште еҥ-влаклан лӱдыкшӧ лийын кертмым шижтарыме да кораҥдыме шотышто совещанийым эртарен.
Тудо профильный министерстве вуйлатыше-влак деч поснак кугу тӱткылыкым йодын. Регион вуйлатыше экстренный службо-влаклан чрезвычайный ситуаций лийме годым оперативно реагироватлаш кӱштен. Совещанийыште поснак кугу тӱткышым илыме-коммунальный, корно озанлык-влакын системыштын пашаштлан ойырымо. «Калыкын канышыжым случайный обстоятельстве-влак локтылшаш огытыл»,- палемден А.Евстифеев.
Марий Эл Правительстве Председательын икымше алмаштышыжын пашажым жаплан шуктышо Александр Сальников каныш кечылаште лумым эрыктыме пашам кузе шукташ палемдыме дене палдарен. «Марийскавтодор» предприятий тидлан тӱрыс ямде улмо нерген ойлен. Топливе шапашат ситышын, сутка еда дежурстват лиеш, каласен тудо.
Александр Евстифеев культурно-массовый мероприятий-влакым эртарыме годым поснак йоча-влаклан лӱдыкшӧ лийын кертмым шижтараш да кораҥдаш йодын. Пайрем мероприятий-влакым эртараш республикысе 87 объектым ушаш палемдыме. Чылаже 300 наре кугу мероприятий лийшаш. Нуно 45,6 тӱжем еҥым авалтат, тышеч 25,1 тӱжемже йоча-влак лийыт.
Марий Эл Республик вуйлатышын организаций да аналитике виктемжын уверже негызеш С.Носова ямдылен.
