УВЕР ЙОГЫН

Тергаш кӱлешлык уло

«Единый Российын Самырык гвардийже» всероссийский мер организацийын марий пӧлкажын еҥже-влак У ий вашеш республикысе кевытлаште пиротехнике сатун качествыжым да нуным ужалыме радамым терген лектыныт.

Тидлан МВД дене пырля организацийын еҥже-влак пиротехникым ужалыме икмыняр кевытыште лийыныт, сертификат улмыштымат тергеныт. Российысе закон почеш, пиротехнике сатум илыме оралтылаште, вокзаллаште, кӱртньыгорно станцийласе платформылаште, метрополитенын вестибюльлаштыже, урем йымалсе проходлаште, тӱшка калыкын пайдаланыме транспортышто да пожар ылыж кертме производственный объектлаште ужалаш чарыме.  Тыгак 16 ийыш шудымо еҥ-влак тудым налын огыт керт. Продукций дене пайдаланаш  лийме жапым пеҥгыдемдыше документ, сертификат, эксплуатаций инструкций уке улыт гын, тыгай сатум тыгак ужалаш ок лий.

 С.Носова.

Опубликовать в Одноклассники

Добавить комментарий