Звенигово районышто йоча-влакым изинек шочмо калыкын да йылмын историйышт дене палдарат.
10 декабрьыште Звенигово оласе 1-ше №-ан школын икымше классыштыже шинчымашым погышо ӱдыр-рвезе-влаклан «Шочмо кундемын корнылаж дене» кружок кышкарыште Марий тиште кечылан пӧлеклалтше «Кугезына-шамычын йылмышт» музейно-образовательный программым эртареныт.
Мероприятийыште йоча-влак пайремын да тиштын историйышт нерген пален налыныт, тиде теме дене документальный видеороликым онченыт да кугезына-шамычын икымше тиштыштым – клинописьым – шке кидышт дене ыштеныт.
М.ИВАНОВА.
