5 декабрьыште Молодёжный политике, спорт да туризм министерствын полышыж дене инвалид декаде кышкарыштыже Семёновскысо интернат школышто дзюдо дене Марий Элын кубокшо верч таҥасымаш эртен. Турнир инвалид-влак коклаште дзюдом вияҥдыме, тыгай тӱшкаш пурышо-влак обществыште шкештым моло дене иктӧр кучышт, физический культурлан, спортлан кумылаҥышт, республикын сборный командыжым чумырымо годым манме шонымаш дене эртаралтын.
Чылаже 40 еҥ (сокыр ден соҥгыра инвалид-влак) вийжым терген. Тушко тыгак Татарстан, Чуваш республикла, Киров область гыч инвалид-шамыч ушненыт.
Ойыртемалтше-влакым медаль, диплом дене палемденыт.
Е.Эшкинина.