КУЛЬТУР ДА ИСКУССТВО

Мастарлыклан — икымше вер

Шукерте огыл Саранскыште Юл кундем федеральный округысо тоштер пашаеҥ-влакын профессиональный мастарлык конкурсышт кокымшо гана эртен.

Тудын 52 участникше куд номинацийыште таҥасен. 18 еҥым сеҥыше семын палемденыт. Нунын коклаште Т.Евсеев лӱмеш национальный тоштерын пашаеҥже, самырык марий ӱдыр Надежда Васканова лийын. «Идалыкын ончержын кураторжо» номинацийыште тудо икымше верым налын. Марий тоштер конкурслан «Народы, чьи предки едины» ончер проектым темлен. Тудым эше 2017 ийыштак чумырымо улмаш. Кызыт ты ончер республикысе районлаштат ончыкталтеш. Тӱҥ шотышто тушто тоштер фонд гыч чумырымо финн-угор калык-влакын вургемышт, историйышт, тӱвырашт, йӱлашт нерген каласкалыше фотографий-влак ончыкталтыт.

С.Носова.

М.Скобелевын фотожо.   

Опубликовать в Одноклассники

Добавить комментарий