Марий Эл Вуйлатыше Александр Евстифеев, Федераций Советыште эртыше Республикын кечыже-влак нерген ойлышыжла, тиде событийын моткочак кӱлешан улмыжым палемден да Российысе парламентын кӱшыл палатыжын вуйлатышыже Валентина Матвиенколан тыгай йӧным пуымылан тауштен.
Александр Евстифеев Федераций Советыште эртышаш Республикын кечыже-влак вашеш иквереш могай тӱҥ направлений-влак дене пашам ыштыме нерген радамлын каласкален. Тудо ойлен: Федераций Советыште Марий Элын кечыже-влакым эртарыме регионын ик эн пӱсӧ да кӱлешан неле йодышыжо-влакым федерал кӱкшытыш лукташ йӧным пуэныт.
Л.Камалетдинова.