29 ноябрьыште Ижевскыште (Удмурт Республик) «Россий Федерацийысе субъектлаште физический культур да спорт аланыште экспериментальный пашам шыҥдарыме опыт нерген» всероссийский семинар-совещаний лийын.
Тушко элнан тӱрлӧ кундемже, тыгак Марий Эл гыч представитель-влак чумыргеныт. Республикна гыч молодёжный политике, спорт да туризм министерствын спорт резервым ямдылыме отдел начальникше С.Пуршева ден спортивный ямдылалтмаш рӱдер директорын алмаштышыже М.Репина участвоваленыт.
Программын икымше ужашыштыже «Спорт резервым ямдылыме кызытсе проблеме», «Биатлонист да ечызе-влакын тренировкышто шӱмын паша ыштымыжым шотыш налын, анализым ыштыме метод», «Спорт инфраструктурым шотыш налын, инвалид йоча-влак дене физкультурно-тазаҥдыме паша» да моло теме дене йодышым тарватеныт.
Совещанийын кокымшо ужашыштыже уна-влак верысе экспериментальный площадкылаште лийыныт.
Е.Эшкинина.
