20 гыч 23 ноябрь марте Москваште Инвалид ден тазалык шотышто экшык улман еҥ-влак коклаште профессиональный мастарлык шотышто «Абилимпикс» IV национальный чемпионат эртен. Марий Элын делегацийже тушеч кум наградым конден.
Марина Милосердова, Соҥгыра-влакын всероссийский обществыштын Марий Элысе пӧлкажын еҥже «Шер дене пидмаш» компетенций шотышто 1-ше верым налын.
Игорь Павлов, Соҥгыра-влакын всероссийский обществыштын Марий Элысе пӧлкажын еҥже «Йолчиемым олмыктымаш» компетенций шотышто эн сай лийын.
Марина Ятманова, Сокыр-влакын всероссийский обществыштын Марий Элысе пӧлкажын еҥже «Сылнын тӱрлымаш» компетенций шотышто ойыртемалтын.
Ушештарена, тенийсе «Абилимпиксыште» элнан 83 регионжо гыч 1500 еҥ профессиональный мастарлыкшым 73 компетенцийыште терген. Таҥасымаш школьник, студент да специалист-влаклан посна эртен. Пашам 500 утла эксперт аклен.
Тиде чемпионатыш Марий Эл гыч 25 еҥ миен, нунын коклаште студент да инвалидностьян специалист-влак лийыныт.
М.ИВАНОВА.
