УВЕР ЙОГЫН

Модмаш гыч – диплом дене

Ижевскыште ик арня эртыше II Парадельфийский модмаште Марий Элын чапшым аралыше Наталья Егорова сеҥышыш лектын, увертара регионын Социальный вияҥмаш министерствыже.

Модмашке Российын 22 регионжо да тӱнян 21 элже гыч 1500 утла участник толын, ты шотыштак сокыр, соҥгыра, эҥертыме-тарванылме аппаратысе экшык да моло чер дене орланыше инвалид-шамыч. Участник-влак искусствын тӱрлӧ видыштыже, куштымашыште да масс-медиаште мастарлыкыштым ончыктеныт.

Марий Эл гыч Парадельфийский модмашке 16 конкурсант миен. Нуно кид дене ончыктылын мурымаште, вокалыште, сылнымутышто (прозо, поэзий), декоративно-прикладной усталыкыште, аудиовизуальный искусствышто мастарлыкыштым ончыктеныт. Наталья Егорова «Прозо» номинацийыште II степенян диплом дене палемдалтын.

Ушештарена, 28 ноябрь гыч 16 декабрь йотке Т.Евсеев лӱмеш национальный музейыште тазалыкыште экшык улман еҥ-влакын инвалид-шамычын декадыштлан пӧлеклалтше «Радуга возможностей» усталык ончерышт пашам ышташ тӱҥалеш.

М.ИВАНОВА.

Опубликовать в Одноклассники

Добавить комментарий