УВЕР ЙОГЫН

Уколым кузе ыштат?

Россий Президент В.Путинын кӱштымыж почеш, медицине организаций-влакын услугым пуымо качествыштлан зависитлалтдыме акым шындаш тӱҥалме. Тидыже граждан-шамычым услугын качествыж дене палдарыме да медицине организаций-влакын пашаштым саемдыме шонымаш дене ышталтеш.

Ак нине критерий почеш пуалтеш:

  • медорганизаций нерген уверын тичмаш да чылалан муаш лиймыже;
  • медицине услугым пуымо да тудым налме йӧн;
  • услугым вучымо жап;
  • медперсоналын койышыжо;
  • налме услугылан ак.

Икманаш, медицине паша ден полышын качествышт да лӱдыкшыдымылыкышт огыл, а лачшымак услугым пуымо йӧн аклалтеш.

Марий Элын Тазалыкым аралыме министерствыже медицине услугым пуымо качествылан зависитлалтдыме акым пуаш «Витадини» ООО-лан ӱшанен. Тудын специалистше-шамыч регионысо медицине организаций-влакын сайтышкышт вераҥдыме уверын тичмашлыкшым, кӱлешлыкшым, рашлыкшым, калык дене мӧҥгешла кылжым, тыгак поликлинике ден стационарлаште пуымо услуго-влакын кӱкшытыштым аклат. Тидым пациент-влакым анкетироватлен рашемдат. 2018 ий мучаш марте республикыштына 14 медицине организацийлан, ты шотыштак частный кок организацийлан зависитлалтдыме акым пуат.

Ты пашашке пациент-влак шкеат ушнен кертыт. Тидланже медицине полышым яра пуымо кугыжаныш гарантийын программыжым илышыш пуртышо медицине организаций-влакын, Марий Элын Тазалыкым аралыме министерствыжын да Россий Минздравын официальный сайтлаштышт интерактивный анкетылан гына вашештыман.

М.ИВАНОВА.

Опубликовать в Одноклассники

Добавить комментарий