УВЕР ЙОГЫН

Сай вер пуста ок лий

Республикысе Паша да калыклан паша верым ситарыме департаментын увертарымыж почеш, кодшо арнян регионысо калыклан паша верым ситарыме службо-влак икмыняр вакансий ярмиҥгам эртареныт.

Мутлан, Йошкар-Оласе Калыклан паша верым ситарыме рӱдерыште «Шале» ООО-ш специалист-шамычым ойырен налыныт. Тыгодым пашам пуышо конкурент-шамычым паша условий, социальный гарантий, должностной обязанность, умбакыже тунемын кертме, пашадарын кугытшо дене палдарен. Тиде ярмиҥгаште вич еҥ участвоватлен, нунын кокла гыч иктыжым пашаш пурашлан собеседованийыш ӱжмӧ.

Юрино районысо Калыклан паша верым ситарыме рӱдерыште пашадыме да келшыше пашам кычалше-шамычлан изи ярмиҥгам эртарыме. Тиде мероприятийыште ик организаций кум паша верым темлен. Тыге, кум еҥ паша верым муын.

Медведево районысо Калыклан паша верым ситарыме рӱдерын эртарыме вакансий ярмиҥгашкыже пашам пуышо кум да пашадыме шым еҥ толыныт. Вашла мутланыме деч вара кум еҥ паша веран лийын.

1 ноябрьлан Марий Элыште 2129 еҥым пашадыме семын регистрироватлыме.

М.ИВАНОВА.

Опубликовать в Одноклассники

Добавить комментарий