6 ноябрьыште «Инвалид-влакын III всероссийский кеҥеж спартакиадыштын талисманже» сӱрет-конкурс стартым налын. Таҥасымаш 2019 ийыште Йошкар-Олаште августышто лиеш.
Сӱретым кеч-могай материалеш (ватман, картон, холст…) да кеч-могай чиялтыме ӱй, акварель, тушь, чиян карандаш, пор да моло денат ямдылаш лиеш. Конкурслан ямдылыме пашан кугытшо А4 (210Х290) деч изи да А3 (420Х580) деч кугу лийшаш огыл. Сӱретым электрон формат денат колташ лиеш (JPEG але GIF формат), 3 мегабайтым эртышаш огыл. Конкурсыш 5 паша деч утым пуыман огыл.
Йодмашым возымо годым автор шке лӱмнерже дене палдарышаш, ийготым, кушто илымыжым (регион, ола, ял, села, телефон, электрон почто) ончыктышаш. csp-rme@mail.ru электрон почто але 424001, Йошкар-Ола, Успенский урем, 38-ше пєрт, Марий Эл Республике ГБУ «Центр спортивной подготовки» колташ лиеш. Лекше йодышым 45-28-59 номеран телефон дене рашемден кертыда.
Конкурсышто участвоватлаш йодмашым 7 декабрь марте пуаш лиеш.
Эн сай паша-влакым Молодёжный политике, спорт да туризм министерствын официальный сайтышкыже луктыт.
Конкурсын сеҥышыжым шерге пӧлек да диплом дене палемдат.
Е.Эшкинина.
