УВЕР ЙОГЫН

«Нылытанжылан» палена

Кугу этнографий диктант элна мучко ынде кумшо гана эртен. Этнографий дене шинчымашым  тений 2 ноябрьыште тергеныт. Диктантым Российын 85 субъектыштыже возеныт.

Марий Элыште тиде акцийыш 1000 утла еҥ ушнен. Нуно диктантым 32 вере сереныт. Эн шуко еҥ МарГУ-н Калыкле тӱвыра да тӱвыра кокласе коммуникаций институтышко, Килемар ден Эман кыдалаш школлашке чумырген.

Чылаже диктантыште 100 баллым погаш лийын. Регионыштына кокла балл 53 лийын. Тугеже мыланна «нылытанжым» шындаш лиеш, очыни. Заданийлан чын вашмутым www.miretno.ru сайтыште ончалаш лиеш.

Л.ШАБДАРОВА.

М.Скобелевын фотожо.

Опубликовать в Одноклассники

Добавить комментарий