Роспотребнадзорын Марий Элысе виктемжын Волжский районысо пӧлкажын специалистше-влак 1-ше №-ан Морко йочасадым план почеш тергеныт да СанПиН-ым пудыртымым, шуктыдымым рашемденыт. Мутлан, группо-влакын уремысе площадкылаштышт кече, йӱр, лум деч аралыше леведышым келыштарыме огыл; угыч кондымо ошма радиологический показательлан огеш тергалт; йочасад кӧргысӧ пырдыж йымыжа огыл, тудо тыгак дезинфекцийым ышташ, вӱдыжгӧ лапчык дене йыгаш лийме отделке деч посна; кӱварыш вӱдыжгӧ обработкым ышташ лийдыме материалым шарыме; тӧргалтше, каткалалтше эмалян атышӧр кучылталтеш; окнам тичмаш янда дене яндалыме огыл; продуктым обработатлыме годым кочкышым ямдылыме технологий шотышто санитарно-эпидемиологический йодмаш огеш шукталт; йочасадысе чыла группын мушкылтмо кумдыклаштыже душевой поддоным шокшо ден йӱштӧ вӱдым смеситель гоч йоктарыше подводко дене шыҥдарыме огыл.
Рашемдыме нарушенийлан 1-ше №-ан Морко йочасадын должностной лицажым административно мут кучаш шогалтыме, тыгак чыла ситыдымашым палемдыме жапыште кораҥдаш кӱштымӧ. Тудын шукталтмыжым контрольыш налме.
М.ИВАНОВА
