Общероссийский калык фронт йочасадысе, школысо да эмлымверысе кочкышын качествыж шотышто инетрнет-йодыштмашым эртара. Идалык ончыч йодыштмо паша рашемден: 56 процент граждан шинчымашым пуымо да медицине тӧнежласе кочкышлан кумыланжак огыл.
– Ик ий эртен кайымеке, ме пален налнена: начар сӱрет сай велыш вашталтын мо? Потребитель деч моло нигӧ школьникын, йочасадыш коштшо ньоган да пациентын кӱмыжышкышт лачшымак мом пыштыме нерген сайын вашештен ок керт, – манеш ОНФ-ын «Честный закупко верч» проектшын координаторжо, Кугыжаныш Думын депутатше Антон Гетта.
Интернет-йодыштмашын цельже – регионлаште илыше калык деч йочасадысе, школысо да эмлымверысе кочмыверлаште могай нелылык, йӧндымылык дене тӱкнымым рашемдаш. Тидыже ОНФ-ын чолга еҥже ден отрасльысе эксперт-шамычлан палемдыме сферысе вашталтышым контрольышто кучаш да кочкышын качествыжым саемдыме шотышто вашталтышым ышташ полшышаш.
М.ИВАНОВА.
