31 октябрьыште, Марий Эл Республикым вуйлатыше Александр Евстифеевын указше почеш, Марий Эл правительстве председательын икымше алмаштышыже Андрей Россошанскийым должностьшо гыч утарыме.

Марий Эл правительствын официальный сайтышкыже вераҥдыме документ почеш, Андрей Владимирович тиде должность гыч шке кумылын каен.

Ушештарена, Андрей Россошанскийым Марий Эл правительстве председательын икымше алмаштышыжын должностьышкыжо 2017 ий 20 ноябрьыште шогалтыме.