АКЦИЙ КОНКУРСЫ

Сеҥымаш дене пӧртылыныт

«Покровский хутор» казак обществын (Волжский район Купсола села) «Клинок» командыже Нижегородский областьыште эртыше «У смене-2021» рошто турнир гыч кубок дене пӧртылын. Армейский рукопашный кучедалмаш дене таҥасымаш 9 январьыште Дивеево селасе монастырь пеленысе православный школын спортзалыштыже эртен. Тушто Нижегородский область да пошкудо регионла гыч толшо тӱрлӧ ийготан рвезе-влак вийыштым тергеныт. Марий Эл гыч кадет команде кокымшо […]

Марий Эл - 100

Палемдыме – ыштыме, тӱҥжӧ – сайын

Идалык почеш весе эрта, кажныже шке кышажым кода –  да эреак ойыртемалтшым, саманлан келшышым. Икгайже, очыни, нигунам лийынжат огыл. А Марий кундемыштына 2020 ийысе кӱлешан могай ошкыл ышталтын? Тидын нерген тачысе унана – Марий Эл правительстве председательын икымше алмаштышыже Михаил Васютин дене мутланена (снимкыште).    – Михаил Зиновьевич, 2020 ий куштылго лийын огыл, туге гынат […]

ЯЛОЗАНЛЫК

Мӱкшызӧ-влак шукертсек вученыт

Кугыжаныш Думо кумшо лудмаште «Мӱкш ончымо нерген» законым луктын. Отар оза-влак тыгай документ лекмым шукертсек вученыт. Вет проектшым законым лукшо-влаклан ончаш шукертак пуымо, но кызыт мартеат тудо документ семын волгыдо тӱням ужын огыл ыле. Ынде мӱкшызӧ-влак куштылгынрак шӱлалтат: кодшо ий мучаште Кугыжаныш Думо «Мӱкш ончымо нерген»  федеральный законым луктын да ынде мӱкшым ашныше-влак тудлан (закон […]

ЯЛОЗАНЛЫК

Идалыкаш пашам иктешлена

Тиде ий високосныйлан шотлылтын да тыгай талук калыкыште неле лиеш манын ойлат гынат, республикна кочкыш сату шотышто чӱдын ыш иле. Тӱҥ кочкышым, шылым, шӧрым, пакчасаскам, пареҥгым, киндым ме шкаланна веле огыл ситаренна, ятыр ужашыжым моло регионлашкат колтенна. Тидыже тений,  коронавирус инфекций шарлыме пагытыште, поснак кӱлешан. Мланде пашаеҥ-влак куандареныт Тенийсе ий поснак мланде пашаеҥ-влаклан лектышан лийын. […]

ЗАКОН

У ийыште – у семын

  У 2021 ий марте кум кече гына кодеш. Могай тудо лиеш – шукыжо, мутат уке, коронавирусын пандемийже дене кылдалтын, но южо вашталтыш кызытак раш. COVID-19 деч прививкым ыштат Шушаш ийын Российыште у коронавирус инфекций деч тӱшка вакцинаций тӱҥалеш. Тымарте прививкым врач, туныктышо, социальный пашаеҥ-влаклан гына ыштеныт. Вакцинаций яра да пациентын кумылжо почеш гына эртаралтеш. […]

УВЕР ЙОГЫН

Куанен ончат да шыргыжыт

Марий Элын социальный аралымаш системыжын стационар тӧнежлаштыже илыше-влак ынде, манмыла, вожылде шыргыжыт. «Шоҥгылык куандара» («Старость в радость») поро кумыл фонд социальный обслуживанийын стационар организацийлаштыже социальный услугым налше-влаклан пӱйым протезироватлыме да катарактым эмлыме шотышто медицине услугым налашлан 216510 теҥгем ойырен. Тидын дене келшышын, социальный обслуживанийын 16 организацийыштыже 100 еҥын умша кӧргыжым тергыме да кӧлан коронкым, кӧлан […]

ЕШ ДА ИКШЫВЕ

Икымше аза – ӱдыр

Марий Элыште тений ош тӱняш толшо икымше аза – ӱдыр. Тудо 1 январьыште 3 шагатат 25 минутышто Йошкар-Оласе перинатальный рӱдерыште шочын. 4 январьыште мӧҥгӧ колтымо деч ончыч аза ден авам Перинатальный рӱдерын тӱҥ врачше Ирина Виноградова Марий Элым вуйлатышын, республик правительствын лӱмышт дене саламлен да регионын Социальный вияҥмаш министерствыж деч пӧлекым кучыктен. Кокымшо аза 4 […]

УВЕР ЙОГЫН

Илыш корнышто – 102 ий

 8 январьыште, Йошкар-Олаште илыше Татьяна Александровна Румянцева 102 ийым темен! Лӱмгече озам йочаж ден уныкаже-влак, уныкаже-шамычын шочшышт, лишыл еҥже-влак ден уло родо-тукымжо саламлаш погыненыт. Пайремыш Йошкар-Оласе Калыкым социально обслуживатлыме комплексный рӱдерын пашаеҥже-шамычат миеныт да Татьяна Александровналан Марий Элым вуйлатышын лӱмжӧ дене саламлымашым, шарнымашан пӧлекым да пеледыш аршашым кучыктеныт. Т.Румянцева 1919 ийыште Киров область Санчурск район […]