Гороскоп

Ӱпым пӱчкаш тарваненда гын

9 ноябрь. Таче ӱпым пӱчкашат, чиялташат  огеш темлалт – нимо саят огеш лий. 10 ноябрь. Тиде кечын ӱпым пӱчман огыл, уке гын иктаж-мо уда лийын кертеш. Чиялтен кертыда. 11 ноябрь. Ӱпым пӱчмӧ, чиялтыме дене тӱжвал сыным вашталташ келшыше кече. 12 ноябрь. Парикмахерскийыш каяш огеш темлалт – чонда «коршташ» тӱҥал кертеш. 13 ноябрь. Таче, мӧҥгешла, парикмахерскийыш […]

Гороскоп

9-15 ноябрьлан гороскоп

Шорык Тиде арнян ончыкыжым уло илышдам вашталтыше ошкылым ыштен кертыда. Тыгодым вашкыман огыл — сайын шоналтен шуктыде, можым-кузежым висыде, нимоланат ида пиж. Тазалыкым эскерыман. Поснак тул дене пайдаланыме годым тӱткӧ лияш темлалтеш. Презе Шкендамат, пелашдамат ӧрдыж гыч аклен ончалын кертыда. Тидыже икте-весе кокласе кылдам эшеат пеҥгыдемдаш гына полша. Кеч-могай пашам пырля ышташ келшен толеш. Но […]

Марий Эл - 100

Ялнан тӱҥ уремже

Кажне айдемын шочмо, кушмо верже уло. Тиде – шочмо вер, тӱняште эн сӧрал , эн йӧратыме кундем. Марий кундем, тыйым мурышто моктат, тыйын нерген легенде ден почеламут-влак улыт. Улыт тошто фотокартычке-влакат. Тушеч еҥ-шамыч мемнан ӱмбаке ончат. Нуно йӧршеш шукерте огыл огыл мемнан семынак мландывалне иленыт. Шарнаш тӱҥалына гын, нуно курымеш илат… Тений республикна 100 ияш […]

УВЕР ЙОГЫН

Полшаш йодын ондалат

Мошенник-шамыч еҥ-влакым ондалаш могай-гына йӧным шонен огыт му?! Пытартыш жапыште гын еҥ-влаклан палымышт, йолташышт лӱм дене йыҥгыртат да тӱрлӧ кӱлешлан оксам колташ йодыт. Тыге кодшо кечылаште Медведево районышто илыше 33 ияш пӧръеҥлан «Инстаграм» соцкылыште палыме ӱдырамашыж деч серыш толын. Пуйто эргыже корно туткарыш логалын да тудым эмлаш окса кӱлеш. Пӧръеҥ полшаш вашкен да палемдыме счетыш […]

Марий Эл - 100

«Мый Марий Элым йӧратем» 4 ноябрьыште Марий Эл Республикна 100 ияш лӱмгечыжым палемдыш. Тидын вашеш пӱтынь кундемна мучко ты йыргешке датылан пӧлеклалтше тӱрлӧ мероприятий эртаралтын. Мутлан, республикысе УФСИН уголовно-исполнительный системыште тыршыше-влакын икшывыштлан «Мый Марий Элым йӧратем» сӱрет конкурсым увертареныме, палдара ведомствын пресс-службыжо. Тушко йоча-влак деч 50 наре паша пурен. Нуным иктыш чумырен, УФСИН-ын администраций зданийжын икымше пачашыштыже ончерым эртареныт. Конкурсышто жюри эн сай сӱретлан 11 ияш Дана Котован пашажым шотлен да икымше вер дене палемден. Кокымшо верым иканаште кок сӱрет сеҥен налын. Нунын авторышт Даниил Евстафьев ден Елизавета Бахтина (тудо 3 ияш гына! – авт.) улыт. Кумшо вер дене иканаште эсогыл ныл самырык сӱретче палемдалтыныт — тиде Владислав Шарапов, Вадим Усков, Диана Дмитриева да Марина Колос. Сеҥыше-влаклан УФСИН-ын Чап грамотшым кучыктеныт. Л.Камалетдинова

4 ноябрьыште Марий Эл Республикна 100 ияш лӱмгечыжым палемдыш. Тидын вашеш пӱтынь кундемна мучко ты йыргешке датылан пӧлеклалтше тӱрлӧ мероприятий эртаралтын. Мутлан, республикысе УФСИН уголовно-исполнительный системыште тыршыше-влакын икшывыштлан «Мый Марий Элым йӧратем» сӱрет конкурсым увертареныме, палдара ведомствын пресс-службыжо. Тушко йоча-влак деч 50 наре паша пурен. Нуным иктыш чумырен, УФСИН-ын администраций зданийжын икымше пачашыштыже ончерым эртареныт. […]

Марий Эл - 100

Уэмдыме верым палашат йӧсӧ!

4 ноябрьыште, Марий Эллан 100 ий теммым палемдыме кечын, республик вуйлатыше Александр Евстифеев Йошкар-Олаште Свирин лӱмеш скверыште лийын. Тушто шукерте огыл уэмдыме пашам мучашленыт. Сквер Суворов уремыште верланен. Кызыт ты кумдыкым палашат йӧсӧ. Ончыч тыште ны теҥгыл, ны урно лийын огытыл, тротуар чот тоштемын улмаш. А ынде, «Оласе йӧнан кумдыкым ыштымаш» проект дене келшышын, асфальт-бетон […]

УВЕР ЙОГЫН

Кофем йӱат – икшывылан полшен кертат

Йошкар-Олаште илыше-влакын уло ноябрь мучко, кофем йӱын, шкеныштым веле огыл куандарен кертыт, тыге эше йоча-влаклан полшаш йӧнышт лиеш. Кузе? Оласе заведенийлаште 1 гыч 30 ноябрь марте «Добрый кофе» манмым налмылан тӱлымӧ оксам кофейне-влак йоча хоспислашке кусарат. Акций идалыкат пеле ончыч Санкт-Петербургышто «Детский хоспис» поро кумылым ончыктымо фондын темлымыж почеш эртаралташ тӱҥалын. Тиде фондын тыршымыж денак […]

ТАЗАЛЫК

Эше кумло верым ыштыме

Республикыштына у коронавирус инфекций дене черланыше-влакын чотышт кечын кугемеш. Тидыжым регионын 10 инфекционный стационарыштыже 1050 утла пациентын COVID-19 да пневмоний деч эмлалтмыштат пеҥгыдемда. Марий Элын Тазалыкым аралыме министерствыжын увертарымыж почеш, таче республикыштына ковидный манме 1247 койко уло: Йошкар-Оласе больницыште – 240, Волжск оласе рӱдӧ больницыште – 150, Марий Турек районысо рӱдӧ больницыште – 120, Звенигово […]

Марий Эл - 100

Кован шондыкшым «пургедыныт»

Марий Элын 100 ияш лӱмгечыж вашеш Звенигово районысо Эсмекпляк школ пеленысе школ деч ончычсо кугурак группышто йоча-влакым марий калыкын йӱлажлан кумылаҥдыме шотан мерприятий эртен. Мероприятийыште воспитатель-шамыч веле огыл, изи ӱдыр-рвезе-влакат марий вургеман лийыныт. Йоча-шамычым «Кован шондыкшо гыч поянлык» школ выставкыш намиеныт, кугезына-шамычын йӱлашт да кидпашашт дене палдареныт. Икшыве-влак тыгак Марий Элын 100 ияш юбилейжылан пӧлеклалште […]

Марий Эл - 100

Пайрем шӱлыш садак шижалтын

Коронавирусын пандемийжылан кӧра тӱшка мероприятийым эртараш чарыме гынат, Звенигово районышто Марий Элын 100 ияш юбилейжым да Калыкын икоян лийме кечыжым кумдан палемденыт – молгунамсе семын огыл, а онлайн режимыште! 10 шагат эрдене Звенигово район администрацийым вуйлатыше В.Геронтьев калыкым кок чапле пайрем денат шокшын саламлен. Вара «Тынысын, куанын да йӧратымашын 100 йӱкышт» лӱман пайрем концерт тӱҥалын. […]