КРАЕВЕДЕНИЙ ЭРТЫШЕ ИЛЫШ

Чырык курым эртен

10 июньышто Курыкмарий районысо Салымсола ялыште Н.В.Игнатьев лӱмеш литературно-художественный тоштерым почмылан 25 ий темеш. Тудым курыкмарий литературлан негызым пыштыше писательын шочымыжлан 100 ий теммыллан почыныт улмаш. 2008 ийыште тудлан юридический статусым пуэныт гын, вес ийынже краеведений тоштерыш савыреныт. Ты учреждений тоштер арверым поген чумырымо да тудын дене палдарыме образовательный да просветительский пашам наҥгая. Кеч-могай тоштер […]

СПОРТ

Чарен кертыт?

Спортивный мероприятийыш кошташ чаракым ыштен кертыт мо? Н.Гребнев. Йошкар-Ола. Йодышлан Медведево районысо прокурорын кугурак полышкалышыже М.С.Егошин вашештен: — РФ Административный правам пудыртымаш нерген кодекс почеш, гражданин спортивный мероприятий эртыме годым шкенжым шоттдымын кучен гын, тудлан чынжымак вес спортивный мероприятийлаш кошташ чарен кертыт. Тыгай административный чаракым судья куд тылзе гыч шым ий марте палемден кертеш. С.НОСОВА […]

СОЦИАЛЬНЫЙ ИЛЫШ

Амал деч посна

Специализироватлыме службо-влакым амал деч посна ӱжыктымылан мут кучаш шогалтен кертыт мо? В.Иванова Советский район. Йодышлан Медведево районысо прокурорын полышкалышыже С.Г.Захарова вашештен: — РФ Административный правам пудыртымаш нерген кодексын 19.13 статьяж дене келшышын, амал деч посна пожарный охраным, полицийым, вашкеполышым да моло специализироватлыме службым ӱжыктымылан 1000 гыч 1500 теҥге марте штрафым тудаш палемден кертыт. Тидын деч […]

ТРАНСПОРТ

Корно тӱткылыкым йодеш…

Йӱшывуя велосипед дене кудалыштше еҥым мут кучаш шогалтен кертыт мо? Н.Филимонов Кужэҥер район. Йодышлан Медведево районысо прокурорын полышкалышыже С.Г.Захарова вашештен: — Йӱшывуя транспорт средствым виктарыше-влакым РФ Административный правам пудыртымаш нерген кодекс дене келшышын мут кучаш шогалтат. Тудын 12.1 статьяштыже ончыкталтын: транспорт средствыжлан корно движений лӱдыкшыдымылык шотышто законодательстве дене келшышын, автотранспорт, моло транспорт средствым виктараш лӱмын […]

ТАЗАЛЫК

Пудырген, мом ышташ?

Ртутян градусник шаланен гын, мом ыштыман, вет тудо айдемылан лӱдыкшым ыштен кертеш вет? Н.Загайнов. Медведево поселко. Йодышлан Россий МЧС-н Марий Элысе территориальный управленийыжын пресс-службыштыжо вашештеныт: — Чынжымак, ртуть айдемылан лӱдыкшым ыштен кертше химический вещества, тудо аярта. Моло кӱртньо гай огыл, эсогыл пӧлемысе температур годымат южеш шулен йомеш. Айдеме тыгай юж дене кеч изиш шӱла гынат, […]

«МАРИЙ ЭЛ» ТАЧЕ

Парадат, «Куымашлык полкат» лийыт!

Кугу Отечественный сарыште сеҥымылан 75 ий теммылан пӧлеклалтше парад тений 24 июньышто эрташ тӱҥалеш. Тидын нерген Россий Президент Владимир Путин обороно министр Сергей Шойгу дене совещаний годым увертарен. Президент ты кугу событийлан Москваште веле огыл, Российысе моло олаштат ямдылаташ тӱҥалаш кӱштен. Молан тиде кечым ойырен налмымат тудо увертарен. «Лач ты кечын 75 ий ончыч сарыште […]

КРАЕВЕДЕНИЙ

Шарнымаш кӱлан негызым пыштыме

Михаил Николаевич Янтемир МАО-н ик эн палыме учёный-краеведше лийын. Тудо шочмо кундемым шымлыме шуко пашам шуктен. Кодшо курымысо 30-шо ийлаште МарНИИ-ште пашам ыштыме жапыште экспедиций дене республикын чыла районжо мучко лектын коштын. Тушто нуно мландын поянлыкшым шымленыт, вӱдым тергеныт. Вара Михаил Николаевич МАО-н икымше географий картшым ыштен. Морко велне Карман курык, Кокласола ден Чӱкша ялла […]

«МАРИЙ ЭЛ» ТАЧЕ ОБРАЗОВАНИЙ

13 педагог толшаш

Россий Федераций президент В.Путинын тӱҥалтышыж почеш Марий Элыште «Земский туныктышо» программе илышыш умбакыже шыҥдаралтеш. Тений 10 январь марте районласе администраций вуйлатыше-влакын йодмашышт почеш вакансий спискым ыштыме. Тыге порталтыште ялласе школыш 45 туныктышо  кӱлмӧ нерген увертарыме. 2020 ий 10 январь гыч 15 апрель марте Марий Элыш пашам ышташ толаш кумылан-влак деч чылаже 47 йодмаш пурен: Санкт-Петербург, […]

ТОШКАЛТЫШ

Еш пиал кече

Андрей Первозванныйын фондшо ден  Российын сулло артистше, Мер Палатын еш, ава да йочалан полшымо шотышто комиссийын председательже Диана Гурцкая  йоча аралыме кече вашеш флешмобым эртареныт.  Конкурсыш ушнышо-влак ешын йӧратыме мурыжым йоҥгалтарыме видеом, оҥай фотосӱретым социал сетьлаш 25 май гыч 1 июнь марте  луктеденыт. Тидын годым #деньдетейиродительскогосчастья хештегым кучылтыныт. Конкурс 5 июньышто иктешлалтеш. Лектышым Диана Гурцкаян […]

СОЦИАЛЬНЫЙ ИЛЫШ

Огына ыште, но пашадарым налына

Россий Президент Владимир Путин 24 июньым паша кече огыл семын увертарен. Туге гынат еҥ-влаклан пашам ыштыме кече семынак оксам тӱлат. Тидын шотышто президентын указшат лектын. Ты кечынже Москваште да Российысе кугурак олалаште Кугу Отечественный сарыште сеҥымылан 75 ий теммылан пӧлеклалтше парад-влак эртат. Парад 10 шагат кечвалым тӱҥалеш. А кастене 22 шагатлан эл мучко артиллерийский салют-влак […]