ГАЛЕРЕЙ

Лӱмжым мӱндыр Америкыштат палат

США-се Техас штатыште национальный выставке-ярмиҥга эртен. Тудо утларакше Хьюстонский Родео семын палыме. Родео кумдыкыш тений 2,5 миллион утла еҥ погынен. Ончаш толшо тыглай еҥжат, тыгак Йўдвел да Латинский Америкысе, Европа ден Азийысе, Австралийысе да Океанийысе 90 утла эл гыч ялозанлыкыште тыршыше профессионал-влак погыненыт. Тыгай выставке опыт дене палдараш, пашаче кылым пеҥгыдемдаш, у ужалыме-инвестиций йӧн-влакым шараш […]

БИЗНЕС

«Чыташ, йӧным кычалаш…»

«Ты кундемыш марлан толмемлан 35 ий лиеш гын, предприниматель семын торговльышто ыштымемлан – 24 ий», — тыге мане Курыкмарий район Сарапай ялын ӱдыржӧ да Советский район Кугэҥер ялын шешкыже София Клементьевна Юрина. А тылеч ончыч кушто гына ышташыже логалын огыл. Ежово селасе Марий совхоз-техникум деч вара Кодам кундемысе Киров лӱмеш колхозышто уржа-сорла годым пырчым вискален. […]

БИЗНЕС

Иктыште – кевыт, весыште – цех

Азап лийшашым палем ыле гын, шекланем ыле, маныт. Но тидым нигӧ пален ок керт. А вет тидлан кӧрак ветеринар врач инвалидыш, вара… индивидуальный предпринимательыш савырнен. Мутат уке, таклан огыл, а нелылык ончылан сукалтыдымыжлан кӧра. Озаҥысе ветеринар институтым тунем пытарыме деч вара самырык специалист, Надежда Михайловна, ончыч шочмо кундемыштыже, Чувашийысе ик озанлыкыште, пашам ыштен. Вара кодшо […]

БИЗНЕС

«Олаш коштмеш лучо тыштак налаш…»

«Тракторлык шапашужаш». Шошо ага вашеш шуко озанлыклан тиде кевыт ик эн кӱлешаныш савырна, векат. Сандене Советский посёлко гыч трасса дене кудал эртыме годым тудын ончылно кызыт ик машинам веле огыл ужат. Кеч озаже индивидуальный предприниматель В.Л.СМИРНОВЫН ойлымыж почеш, южо озанлыкше ага пашалан техникым декабрьыштак олмыкташ пижеш, южышт – январьыште, а утларакше – февральыште. Март нергенже […]

БИЗНЕС

«Калык дене пашам ышташ келша»

Таче кечылан Советский районысо Алексеевский посёлкышто верланыше «Сарвар-ОФ» ООО-н чылаже ныл кевытше уло: «Татьяна», «Тридцатый» (Алексеевский посёлкыштак), «Берёзка» (Оршанке район Марково селаште), «Эконом» (Шнаран селаште). Пашаче ешын генеральный директоржо Татьяна Васильева верысе калыкын йодмыжым эреак шукташ тырша да тудлан ик эн сай да кӱлешан сатум темла.   Таҥ тошкалын, ик ой дене – Предприниматель еҥ-влакын […]

БИЗНЕС

Тек у кече конда у пиалым

Тыгай шонымаш дене ила да ӱмыржӧ мучко сатум ужалыме сферыште тырша Советский район Вечын селаште «Рассвет» ООО-н генеральный директоржо Светлана Гасанова. Вуйлатыме пашам тиде поро чонан да чолга ӱдырамаш 9 ий шукта. Вуйлатышыным гына мо? Сатум ужалашат шогалеш, кунамже тудым автомашина денат шкак конда, шкак ястара…. А кевыт паша шотышто ойлаш гын, Светлана Григорьевна ты […]

БИЗНЕС

«Шагал, но кычалаш перна…»

Пеллет нерген шукынжо колыныт докан. А вет тудым мемнан дене лу ий утла ончыч гына ышташ тӱҥалыныт, да ик эн ончыч – Советский район Алексеевский посёлкышто. Ты пашам виктарен колтышыжо – Анатолий Георгиевич Милютин, ача, вуйын шогышыжо – Владимир Анатольевич, эрге. Тӱҥалынже, мутат уке, ача, но пашажлан, ойлымыж почеш, эргыж дене пижыныт – 2008 ийыште. […]

ЯЛОЗАНЛЫК

Утарен кодымо фермылан – кок пачаш грант

Ялла воктеч кудал эртышыла, шаланен пытыше ферме оралтым ужатат, чонет коржеш. «Мир» колхозын Кугу Ашламаш фермыжымат тыгаяк пӱрымаш вучен. Озанлыкым арален кодаш тӧчымӧ олмеш председатель чыла ужалкалаш гына тӱҥалын… Ферме вуйлатыше тидым ончен-онченат, чытен кертын огыл – мо кодшыжым арален налаш пижын. Да, мо шонеда, сеҥен вет!.. А тиде куштылгын пуалтын огыл, тидлан кушкын шуаш […]

ЯЛОЗАНЛЫК

Самырык вий ӱшаным ешара

Кунам айдеме чонжым пыштен ышта, тудо нигунамат шке пашажым локтылмым ласкан ончен ок сеҥе. Тудым арален кодышашлан угыч да угыч тушко пӧртылеш. Тидыже шочмо кундем дене кылдалтын гын, поснак. Да илен-толын могай-гынат лектышыш шуэш. Тидымак ойлаш лиеш фермер С.А.Гусев нергенат. Сергей Александрович дене ме Руясола комплекс кумдыкышто вашлийна. Да, жапше годым тусо оралте чынжымак уда […]

БИЗНЕС

Кӱлеш – кондыман, кондет — ужалыман

Бизнесыш кажныже тӱрлын толеш. «Ончычшо ты пашам марием тӱҥалын. Стройкым петыренытат, тудо паша деч посна кодын. Кодшо курымысо 90-ше ийла тӱҥалтыш бизнес ылыжме пагыт лийын гын, тудат тидлан кумылаҥын. А мый оласе эмлымверлаште 27 ий медсестралан тыршенам, тушечын  22 ийжым – онкогематологийыште. Тушто ышташ куштылго огыл ыле, кугу чытыш кӱлын. Сандене мыят вара пелашем деке […]