УВЕР ЙОГЫН

«Бендариадылан» ямдылалтыт

«Бендериаде» мыскара да сатир юбилейный фестивальлан Козьмодемьянскыште олам тӱзатат. Мэрын икымше алмаштышыже Владимир Инаковын ойлымыж почеш, олан ӱлыл ужашыштыже тошто пушеҥгым кораҥдылыт, шӱкым погат. Тылеч посна уремым волгалтарыше 200 утла понарым светодиодныйлан алмаштат, икмыняр уремыште 50 наре лампым вашталтат. Мэрий тыгак шке пӧртыштӧ илыше оза-шамыч денат пӧрт пеленысе кумдыкым эрыктыме шотышто пашам эртара. Р.Чепакова.

УВЕР ЙОГЫН

У тротуарым шарат

Йошкар-Олаште Чавайн бульварым веле огыл тӱзатат, тудын мучко пӧрт воктенысе тротуарымат олмыкташ тӱҥалыт. Госзакупко сайтыште кызыт электрон аукционым увертарыме Тидлан ола бюджет 981 тӱжем теҥге оксам ойыра. Тыгай акым аукционышто сеҥыше «ЖБК 12» ООО темлен. Подрядчик Чавайн бульвар тураште 13-шо №-ан  пӧрт пеленысе у тротуарым 15 август марте шарен шуктышаш. Р.Чепакова.

УВЕР ЙОГЫН

Правилым пудыртет – штрафым тӱлет

Госавтоинспекцийын увертарымыж почеш, ты арня мучко рӱдолаште, республикысе южо поселкышто водитель-шамычын автотранспорты кужу жаплан шогалтен кодымо правилым пудыртымым тергыше «Паркон» комплекс эскераш тӱҥалеш. Тыге 14 июль марте правилым пудыртымым эскерыше аппарат Йошкар-Олаште 39 уремыште, Медведево посёлкышто Советский, Школьный, Коопреативный да эше кум уремыште лиеш. Советский посёлкышто, Кужэҥерыште, Торъялыште, Мари-Турекыште, Параньгаште илыше автоводитель-шамычланат утларак тӱткӧ лияшышт […]

УВЕР ЙОГЫН

Лишкырак палыме лияш йӧн лектеш

Еш, Йӧратымаш да ӱшанле улмо кечын Йошкар-Олаште Подольский курсант-влак уремыште чолга да тале еҥ-шамычын тыршымыштлан кӧра «Кудывече кечым» эртареныт. Тӱрлӧ конкурс, модыш дене эртыше ты весела мероприятийыш йочасадысе, лишыл уремлаште илыше йоча-шамыч веле огыл, пошкудо, уна шагал огыл чумыргеныт. Пайрем годымак 10-шо ден 80-ше №-ан йочасадысе йоча-влак икте-весышт дене таҥасеныт. Поро паша аллейыште тӱрлӧ сынан […]