УВЕР ЙОГЫН

Кугезе кочан тувыржо полша

Тений Пермь кундемысе Суксун районышто Мер Каҥашын темлымыж почеш региональный Марий самырык тукым слётым эртараш палемдыме. Тунамак тушто Мер Каҥашын верыш лектын эртарыме заседанийже лийшаш. Тидыже тений апрельыште Йошкар-Олаште Мер Каҥашын эртыше шошымсо сессийже годым рашемын. Слётлан Мер Каҥашын Пермь крайысе пӧлкаже вуйын шогаш тӱҥалеш. Тудым  Раиса Попова вуйлата. А самырык-влак дене  пашам Кукуштан посёлко […]

УВЕР ЙОГЫН

Юл ден Китай коклаште…

23 майыште Чебоксар олаште Юл кундем федеральный округын 14 регионжо ден Китай калык республикын куд провинцийже коклаште ваш келшен пашам ыштыме шотышто «Волга – Янцзы» советын кумшо заседанийже эртышаш. Тудым Юл кундем федерал округышто РФ Президентын полномочный предсатавительже да Чебоксарыште КНР Госсоветын членже Ван Юн вӱдаш тӱҥалеш. Ты проект  такшым илышыш 2013 ийыште илышыш шыҥдаралташ […]

УВЕР ЙОГЫН

«Кузе ялем дене ом кугешне!»

Шукерте огыл Марий Эл Республик вуйлатыше А.Евстифеев шке указше дене Александр Макаровым Киров областьыште Марий Элын полномочный представительжылан шогалтен. Тидын нерген Мер Каҥашын шошымсо сессийже годым увертарышт. Молан лач тудлан тыгай ӱшаным ыштыме? Кодшо ийын Киров областьыште Мер Каҥашын верыш лектын эртарыме заседанийже лийын. Лач тушто тыгай темлымашым ыштеныт. Александр Иванович Киров областысе марий-влакын ик […]

УВЕР ЙОГЫН

Памятникым шоналтен вераҥдыман

Йошкар Ола мэрийын темлымыжым шотыш налын, Марий Эл Кугыжаныш Погынын президиумжо эртыше кечылаште пунчалым луктын: мемнан землякна,  композитор, фронтовик, СССР Кугыжаныш  да Ленинский премий лауреат, СССР-ын калык артистше Андрей Яковлевич Эшпайлан памятникым Йошкар-Оласе ик скверыште (тудыжо Машиностроитель уремыште, Красноармейский ден Свердлов уремла коклаште) шогалташ. Но вер келшен ок тол: Андрей Яковлевич «Дружба» стадионыш коштын огыл. […]

СПОРТ

Писын куржталыныт, сайын таҥасеныт…

14-17 майыште Саратов областьысе Хвалынский районышто «Туриада-2019» спортивно-туристический лагерь эртен. Тыгай сынан таҥасымаш шымше гана лийын. Проектын шонымашыже –  самырык тукымым таза илыш-йӱлалан кумылаҥдаш, нуным спорт туризм занятий гоч патриотизм шӱлышеш кушташ. Йӱлаш пурышо мероприятийыш Юл кундем федерал округ гыч теният 700 наре участник чумырген. Марий Элын чапшым 37 еҥ арален. Ӱдыр-рвезе-влак молгунамсе семынак спорт, […]

СПОРТ

Тӱнямбал кӱкшытыштӧ – икымше

Кикбоксинг дене тӱнямбал кубок верч таҥасымаште (WAKO 2019) Шернур кундемын ӱдыржӧ Полина Петухова вийжым терген, тӱнямбал кубокын озаже лийын. Тений тушко 39 эл гыч 3159 участник чумырген. Землячкынан тӱшкаштыже, нелытым шотыш налын, шым еҥ лийын. Жеребёвко почеш тудо вигак пелефиналыш логалын. Ӱдыр Польша, Италий, Венгрий, Украина, Израиль гыч соперник-влак дене таҥасен да Венгрий да Израиль […]

СПОРТ

Командым чумырат

17 майыште Йошкар-Олаште инвалид-влакын III всероссийский кеҥеж спартакиадыштын региональный этапше эртен. Тушто шым район гыч 70 спортсмен вийжым терген. Участник-влак спортын кум видыштыже: куштылго атлетикыште, иймаште, ӱстембал теннисыште – таҥасеныт. Спортсмен-шамыч шагал улмылан кӧра, дзюдо дене турнирым  эртарен огытыл. Такшым всероссийский спартакиадыште спортын шым видыштыже таҥасат. Тушко тыгак бочче, голбол, футбол пурат. Ӱдыр-рвезе-влак коклаште, мутлан, […]

СПОРТ

Поро, уста, чолга-влаклан

Тыгай еҥ-влаклым «Доброволец России-2019» всероссийский конкурсын регионал этапышкыже ушнаш ӱжыт. Тушко волонтёр да поро кумылым ончыктышо рӱдер ден клуб-влак, чолга волонтёр студент организацийла ден актив, школласе чолга тунемше-шамыч, 8 ияш гыч тӱҥалын тӱрлӧ ийготан еҥ-влак  ушнен кертыт. 2019 ийыште кум категорийыште («Социальный проект», «Доброе дело», «Творческая работа») участвоватлаш лиеш. Регистраций тыгай номинаций-влак дене эрта: «Рождённые […]

КУЛЬТУР ДА ИСКУССТВО

Пошкудо калык дене кылна эреак пеҥгыде

Пошкудо калыкын тӱнямбал кечыжым 1999 ий годсек палемдат. Марий калыкат пошкудыжо-влак дене шукертсек пеҥгыде кылым куча да икте-весылан эҥертен, ваш полшен ила. Тиде амал денак 17 майыште  «Чуваш да марий – «ик суртын» пошкудо калыкше-влак» темылан пӧлеклалтше регион кӱкшытан шанче-практике конференций лие. Тудым В.М.Васильев лӱмеш Йылмым, сылнымутым да историйым шымлыше марий институт Чуваш кугыжаныш гуманитар […]