УВЕР ЙОГЫН

Ешым чапландареныт

15 майыште Килемар поселкышто Ӱдырамаш-влакын III районысо форумышт эртен. Мероприятий Ешын тӱнямбал кечынже лийын, санденак тудо еш йӱлалан да ешыште ӱдырамашын рольжылан пӧлеклалтын. Тиде амал денак форумышто шуко шочшан да йочам ашнаш налше еш-влакым палемденыт. А Килемар районышто 199 еш 3 икшывым, 40 еш – 4, 17 еш – 5, 5 еш – 6 да […]

КРАЕВЕДЕНИЙ

У тоштер омсажым почеш

18 майыште Тоштер-влакын тӱнямбал кечышт палемдалтеш. Тиде пайремлан Йошкар-Олаште, купеч Наумовын пӧртыштыжо, «Ший пӱян Пампалче» марий йомак да калык творчестве тоштер почылтеш. Тудо шочмо калыкнан тӱвыражлан, преданийжылан, йомакшылан полеклалтеш. Тоштерым почаш Россий президент грант конкурсышто сеҥымаш полшен. Пайрем программе 18 шагат кастене тӱҥалеш да 22 шагатыште мучашлалтеш. Тушто костюмироватлыме экскурсий, йомак герой-влак дене палдарымаш, калык […]

СОЦИАЛЬНЫЙ ИЛЫШ

Марий рӱдолаштына Эшпайын скверже лиеш.

15 майыште Москосо Новодевичий шӱгарлаште лӱмлӧ семмастар Андрей Яковлевич Эшпайын шӱгар ӱмбалныже тудлан памятникым почыныт. А.Я.Эшпай – СССР-н калык артистше, Ленин премийын лауреатше, СССР кугыжаныш премийын лауреатше, СССР Композитор ушемын членже. Тудо мемнан землякна, МАССР искусствын сулло деятельже Яков Эшпайын эргыже. Андрей Яковлевич Кугу Отечественный сарын участникшат лийын. Тудо раздведке взводым вуйлатен, Йошкар шӱдыр орден […]

УВЕР ЙОГЫН

Иктыжат шкенжым титаканлан огеш шотло

Нижегородский районный судышто Марий Элын ончычсо вуйлатышыже Леонид Маркеловын, «Телекомпания 12 регион» организацийын директоржо Наталия Кожанован да республикын ончычсо ялозанлык да продовольствий министрже Ираида Долгушеван делашт шотышто нине кечылаште заседаний-влак эртеныт.   6 майыште кугыжаныш обвинитель Полина Трусова обвинительный заключений дене палдарен. Но делан чыла фигурантшат шкеныштым титаканлан шотлаш тореш лийыныт, палдара «7×7» интернет савыктыш. Тиде заключенийым […]

УВЕР ЙОГЫН

Тыштат сенсорный кнопкан светофор

Ленин проспект, 40-ше пӧрт тураште корно гоч вончымаште светофорым пужен ыштат. Ончыч нарынчын чӱкталтше тул сигналым пуэн. Ынде Ленин проспектыштат Эшкинин уремысе семын сенсорный кнопкан Т-1 лапка светофор пашам ышташ тӱҥалеш. Тыгак йолешке-шамыч палемдыме вер деч ӧрдыжыш, транспорт кудалыштме корныш, кӱртньӧ авыртышым шогалтыме. Тидыжым тораштак огыл 14-ше №-ан школ верланымым шотыш налын да аварий лийын […]

УВЕР ЙОГЫН

Клумбыш пеледышым шындат

Теният Йошкар-Оласе бульварым, паркым, скверым, площадьым да ола уремым 300 тӱжем утла тӱрлӧ пеледыш сӧрастараш тӱҥалеш. Теле мучко оласе оранжерейыште ончен-куштымо чевер пеледышым ты арнян Чавайн, Сеҥымаш бульварласе клумбылаш кусарен шындылыт. Петуний, сальвий, бархотец, бальзамин да шуко моло пеледыш рӱдолалан у сыным пурта, тыште илыше-влакым, турист-влакым куандараш тӱҥалыт. Р.Чепакова.

ПӰСӦ ЙОДЫШ

Эше лу верым палемдаш йодыт

Общественный транспорт чарнен шогалме остановко йыр, тӱрлӧ листовкым ӱмбала-ӱмбала клеитлен, тудын тӱжвал сынжым локтылаш огыл манын, кодшо ийын Йошкар-Оласе 5 павильон пелен увертарымашан оҥам вераҥденыт. Акцийым сайлан шотлымо. Тудым умбакыже шуен, соцкылысе «Благоустройство Йошкар-Олы» группысо общественный инициативе эше лу остановкышто увертарымашан оҥам вераҥдаш палемдаш йодеш. Р.Чепакова.