ТАЗАЛЫК

Тений вич ФАП-ым чоҥат

Волжск оласе рӱдӧ больницын увертарымыж почеш, кызыт Юлсер кундемысе Усола Корамас ялыште у фельдшер-акушер пунктым чоҥат. Больнице районысо илемлаште ФАП-влакым чоҥымо шотышто электрон аукционым эртарен. Таче кечылан вич объект шотышто подрядчикым пеҥгыдемдыме. Тений Пӱнчысола, Пызырьгуп, Пӧртанур, Усола Корамас яллаште да Моркыял селаште у ФАП-шамычым чоҥаш палемдыме. Тиде пашалан оксам Марий Эл республикын бюджетше гыч ойырымо. […]

МАЙАТУЛ

Туныктышо да журналист

«Волгыдо ончыкылык верч политик азаплана, ожнысо верч — историк, а тачысе кече верч – журналист» ойлен шке жапыштыже афорист Жарко Петан. Журналист-влак кокла гыч иктыж дене палымым ыштынем. Тиде Мордовий Кугыжаныш Телерадиокомпанийын «Сияжар» национал вещанийжын корреспондентше Александр Данильчев. Саранск ола гыч толшо пӧръеҥ дене ме «Кеҥеж сылнымутчо—2020» семинарыште палыме лийынна. — Марий Элыште икымше гана […]

АКЦИЙ КОНКУРСЫ

Лийын – вашталтын

«ТЭК-ын самырык инженерже-влак» ушем шахтёр ден нефтяник-шамычын кечышт вашеш «Челлендж #было_стало» маналтше акций нерген увертарен. Тудо 30 августышто тӱҥалеш да 6 сентябрь марте шуйна. Илыш ик верыште ок шого. Йырым чыла вашталтеш, саемеш. Ондаксе пӧртла олмышто у деч у оралте-влак «кушкыт». Ончыл оҥа почылтман парт-влак тоштерысе экспонатыш савырненыт. Тиде мероприятийыш ушнен, ме мо ончыч лийын […]

АКЦИЙ КОНКУРСЫ

Пу гыч веле огыл

Йошкар-Оласе организационно-культурный рӱдер «Марий чодыран йомакше» декоративно-прикладной творчество конкурсым увертарен. Тудо Марий Элын 100 ияш лӱмгечыжлан полеклалтеш. Тушко посна кидмастар, тӱшка, студий да организаций-влак ушнен кертыт, но кажне участникын Йошкар-Оласе регистрацийже лийшаш. Конкурсын условийже почеш, кок паша деч утла темлаш огеш лий. Йодмашым да пушеҥге але моло кушкыл гыч ыштыме кидпашам 31 август гыч 7 […]

ТРАНСПОРТ

Палемдыме жапым «поктен шуман»

27 августышто Марий Эл вуйлатыше Александр Евстифеев сӧрымыж семынак Йошкар-Олаес Киров-Строитель-влак уремла ушнымаште корным ыштыме паша кузе кайымым ончалаш уэш миен толын. Арня ончыч лиймыж годым тудо генеральный подрядчикын «корно картым» кӱлеш семын огыл шуктымо йодышлан тӱткышым ойырен. Тунамак Александр Евстифеев палемдыме жапым писынрак «поктен шуаш» кӱштен. — Сентябрь мучаш марте ме кодшо ошмам пӱтынек […]

АКЦИЙ КОНКУРСЫ

Эн виян-влак погынат

19-22 ноябрьыште олаште боевой искусство аланыште регион кокласе кокымшо студент форум эрта. Программе почеш участник-влакым научно-практический конференций, мастер-класс, семинар, тренировко да эше шуко онай мероприятий вуча.     «Конкурсын йодмашыж почеш 14-30 ияш ӱдыр-рвзе-влак ушнен кертыт. Тидланже ончылгоч йодмашым колтыман. Кушто эртыме вер але раш огыл», — палемдыш Россий ушем кучедалме мастарлыкын Марий Элысе филиалжын президентше […]

ТОШКАЛТЫШ

  Марий ӱдыр лӱмеш

     Шукерте огыл «Мариечка» клип «ош тӱням ужын». Кум уста самырык еҥ Дмитрий Калягин, Дмитрий Погадав, Христина Александрова тыршымаш саскаштым марий ӱдыр-влаклан пӧлекленыт. Ик Димаже мурым возен, режиссёр семын тыршен, весыже — тудым мурен. Марла кусарымаште кугу полышым Христина пуэн. Клипыште рольым провой кундем Эсмекплак ял гыч Оля ден Юля Батолинамыт модыныт. И.С.Палантай лӱмеш […]

АКЦИЙ КОНКУРСЫ

  Самырык амалкалче

Россий кӱкшытысӧ амалкалче ушемыш логалаш кумылда уло? Шке пашада дене калыкым палдарынеда? Тугеже «Российын самырык предпринимательже» конкурсыш ушныза. 7 сентябрь марте Молодёжный политике, спорт да туризм министерствышке (Успенский урем, 38 пӧрт, 302 пӧлем) але mol-mari@yandex.ru электрон почтышко йодмашым колташ лиеш. Кумдарак уверым 8 (8362) 34-18-06 номерыш йыҥгыртен рашемдыза.      Сеҥыше-влак конкурс иктешлымаште Уфа олаште вашлиялтыт. О.МОШКИНА

ТОШКАЛТЫШ

Ӱмырешлан шарнаш кодшо кече

  1 сентябрь — шинчымаш тӱняшке икымше ошкыл. Йолташ-влак,  тиде вургыжмо татдам шарнеда?     Надежда Годунова, Морко район:    — Мый Кесемлак ялеш шочын-кушкынам. Пӧртем школ деч тораште огыл верланен. Авам тушто поварлан пашам ыштен. Мый школ пелен кушкынам манам гын, йоҥылыш ом лий, шонем. Тунемше-влакым ончен, мыйынат школышко кайымем шуын. Куд ияш икымше гана […]

ТОШКАЛТЫШ

Пӧлек — подписке

Шукерте огыл «Марий Эл» газетыштына «Марий тӱрын сылнылыкше» конкурсым иктешлен возымо ыле. Ты таҥасымашыш 59 еҥ ушнен. Лу сеҥышыш лекшылан организатор ден спонсор-влак сай пӧлекым кучыктеныт. Нунын радамыште «Марий Эл» газет редакцийнат лийын, да кокымшо пелийжылан Шернур район Чылдемыр ялыште шочын-кушшо ӱдыр Лиана Ивановалан электрон подпискым пӧлеклыме. — Лиана, саламлена сеҥымаш дене. Ончыч айда лишкырак […]