УВЕР ЙОГЫН

У вуйлатыше

Куженер районысо полиций отделенийым у еҥ вуйлаташ тӱҥалеш. Тиде – полицийын подполковникше Владимир Кириллов. 16 августышто тудын дене личный составым Марий Элын элкӧргӧ паша министржын пашажым шуктышо полиций полковник Сергей Федорович палымым ыштен.

Владимир Кириллов 1984 ий 27 июньышто Йошкар-Олаште шочын. Полицийыште 2005 ий гыч рӱдоласе элкӧргӧ паша управленийын Заводской отделжын дознавательже семын ышташ тӱҥалын. Лу ий утла ГИБДД управленийыште тыршен. У должностьыш шогалтымешкышт кум ий утла тушто организационно-аналитический паша отдел вуйлатышын алмаштышыжлан ыштен. Россий МВД-н управлений да права академийжым тунем пытарен. Служебный порысым сайын шуктымыжлан «За отличие в службе ГИБДД 2 степени» знак дене палемдалтын.

Л.Камалетдинова.

Опубликовать в Одноклассники

Добавить комментарий