Марий Элыште шочын кушшо да пытартыш жапыште Самарысе таможньым вуйлатыше Вениамин Васильевым Центральный энергетический таможньын начальникшылан шогалтеныт.
Вениамин Васильев 57 ияш. Таможня органлаште тудо 1993 ийыште Марий таможньын инспекторжо должность гыч тӱҥалын, 1995 ий гыч 2007 ий марте регионысо таможня службым вуйлатен. 2007-2010 ийлаште Самарысе таможня начальник лийын, 2010-2014 ийлаште Нижегородский таможньым вуйлатен, вара угыч Самарыш пӧртылын.
Центральный энергетический таможньын аппаратше Москваште верланен. Тудын структурыштыжо — 11 пост. Энергетический таможньын пашаже-влак кокла гыч иктыже – энергоносительым ЕАЭС (Евразийский экономический союз) кумдыкышто да тудын чекше вес веке колтымым тергымаш.
Л.Камалетдинова.
