Маристатын данныйже дене келшышын, тений январьыште 655 йоча шочын. Тыгодым 817 еҥ колен. Ӱмашсе тыгаяк жап дене таҥастараш гын, тунам 736 икшыве ош тӱняшке толын, 761 еҥ илыш дене чеверласен.
Еш дене кылдалтше сӱрет утыжым куандарыше огыл. Ӱмаште январьыште республик мучко 185 мужыр ушнен гын, 159 вате-марий ойырлен. Тений икымше тылзын ушнышо ден ойырлышо-влакын чотышт икнаре – 203 еш лийын.
Л.Камалетдинова.
