Мый школым 2015 ийыште тунем пытаренам. Ынде вузыш тунемаш пураш манын историй дене ЕГЕ-м сдатлынем. Кузе мый тидым ыштен кертам?
А.Никитин.
Медведево район.
Йодышлан Медведево районысо прокурорын полышкалышыже С.Г.Захарова вашештен:
— «РФ-ште образований нерген» Федеральный Закон (29.12.1212 ий) почеш кугыжаныш итоговый аттестацийын формыжым, келшен толшо тӱрлӧ кӱкшытан образовательный программе почеш да кеч-могай формышто тыгай аттестацийын радамжым исполнительный властьын федеральный органже палемда. Федеральный закон дене весе палемдалтын огыл гын, лач тудо образований сферыште нормативно- правовой виктарыме пашам да кугыжаныш политикым шукта. Тыгай уполномоченный органлан РФ-н Образований да науко министерствыже шотлалтеш.
Закон почеш, кыдалаш ощий образований дене образовательный программе шотышто кугыжаныш итоговый аттестацийым эртарыме радам дене келшышын, тений ЕГЕ-м сдатлаш шонеда гын, йодмашым 1 февраль марте пуыман ыле.
Йодмаште могай предмет дене ЕГЕ-м сдатлаш шонымым раш ончыктыман. Кеч-мыняр предметым пурташ лиеш.
Ончычсо ийласе выпускник-влак йодмашым, илыме верым але пропискым шотыш налын, образований пӧлкан муниципальный органышкыже пуышаш улыт.
Йодмашым ЕГЕ-м сдатлаш шонышо шкежак возышаш да пеленже личностьшым пеҥгыдемдыше документше, тыгак йодмаш пелен образованийым налмым пеҥгыдемдыше документын оригиналже лийшаш.
1 февраль марте тидым ыштен шуктен огыдал гын, йодмашда дене РФ-ын субъектшын кугыжаныш экзаменационный комиссийже келша гын веле, экзаменым кучен кертыда. Но вараш кодмыдан амалже уважительный (черланыме, моло обстоятельствым пеҥгыдемдыше докумет лиеш гын) лийшаш. Эшежым йодмашым пуымо годым экзамен деч ончыч кок арня деч шагал огыл жап лийшаш.
Видеорегистраторат полшен кертеш
Судыш доказательстве семын видеорегистраторын записьшым намияш лиеш мо?
Н.Демаков.
Сурок посёлко.
Йодышлан Медведево районысо прокурорын полышкалышыже Р.А.Голиков вашештен:
— РФ-н Административный правам пудыртмаш нерген кодексше дене пеҥгыдемдалтын: административный правам пудыртымаш дене кылдалтше дела обстоятельстве-влакым административный правам пудыртымо нерген протокол дене пырля административный правам пудыртмо нерген делам тарватыме еҥын умыларымашыжымат, потерпевший ден свидетель-влакын показанийыштымат, эксперт-влакын иктешлымашыштымат, моло документымат шотыш налыт. Тиде моло документшылан, закон дене келшышын, тыгак фото ден кино-съемкым, йӱкан да видео-записьымат шотлат. Сандене делан материалышкыже улшо видеозаписьдаат пуртен кертыда. Варажым тудым закон дене келшышын моло погымо материал семынак доказательстве семын шотлышаш улыт.
С.Носова ямдылен.
