Кужэҥер район Коҥганур школыш мийыме годым тӱнгалтыш классыш лийынам. Тӱныктышо Эльвира Андреевна Рыбакова ынде ныл ий тиде школышто тырша. Ончыч Старсела школышто 23 ий тунктен.
— Тений икымше классыште “Таза кочкыш” проектыш ушненна. Чын кочкыш нерген проектыш ушнена. Проектыш лӱмын интернетыште “Nestle” фирмын сайтышке пурен, кулинар онлайын школыштыжо тунемына, — манеш туныктышо.
Йоча-влак интернет полшымо дене тӱрлӧ модыш кочкышым ямдылат, эсогыл “Nestle” фирмын сайтыштыже посна кабинетышт уло. Ача-ава шамычат икшывыштлан полшат. Нунылан ончылшовычым, кочкышым, пӱчкедыме оҥам, поварын вуйчиемжым налыныт.
— Йоча-влаклан тыгай модмо шотан урок моткоч келша. Нуно шкештак оҥай, ойыремалтше лӱман кочкышым кычалыт. Теве 8 Март пайрем вашеш «Эн тамле бутерброд» ден «Авамлан пєлек» лўман модыш сийым шке кидышт дене ыштеныт.
М.СКОБЕЛЕВ.
Авторын фотожо.
Снимкылаште: Э Андреевна йоча-влакым кочкышым ямдылаш кумылаҥда.
