СОЦИАЛ ИЛЫШ

Рентгенологын пашаже лӱдыкшӧ

Пенсий фонд палдара

Рентгенологын пашаже лӱдыкшӧ

Марий Элыште тазалыкым аралыме сферыште пашам ыштыше 4111 еҥ жап деч ончычсо страховой пенсийым пенсий ийготыш шуде налеш. Нине пенсионер-влак кокла гыч шукынжо, 2886 еҥ (70%), паша гыч каяш огыт вашке.

Тений идалык тӱҥалтышлан регионыштына жап деч ончычсо пенсийын кокла кугытшо 10234 теҥге лийын. Кодшо ийын 96 медпашаеҥ пенсионер-досрочник манме радамыш ушнен.

Жап деч ончычсо страховой пенсийым оласе эмлыме тӧнежыште 30 ий пашам ыштыме деч вара налаш права пуалтеш. Ялысе медик-влак 25 ий гыч пенсийыш лектын кертыт. Южо профессий, мутлан, рентгенолог, пенсийыш эшеат ондак лекташ йӧным пуа. Тазалыклан зияным ыштен кертше пашаште 10 ий деч шагал огыл жап ыштыше пӧръеҥ ден 7,5 ий деч шагал огыл ыштыше ӱдырамаш-влак 20 да 15 ий страховой стажым погеныт гын, пенсийыш жап деч ончыч лектын кертыт.

М.ИВАНОВА.

Опубликовать в Одноклассники

Добавить комментарий