УВЕР ЙОГЫН

Кӱварым олмыктат

У Торъял районышто Талман эҥер гоч вончымо кӱварым олмыктат. Тидлан республикысе бюджет гыч 290 тӱжем теҥге ойыралтшаш.

Кӱвар Пӱгӧвож (Шишур) – Кремленки – Шерешнур кугорнышто верланен.  Тудым тӧрлатыме шотышто «Марийскавтодор» госзакупко сайтыш проект-смете документ-влакым ямдылыме конкурс нерген уверым вераҥден.

Тений февраль тӱҥалтыште посна комиссий кӱварым ончен лектын да тудым шаланаш тӱҥлшылан шотлеын. Мутлан, тушто перил локтылалтын, тротуар блоклашке бетон каткалалтын. Тидлан кӧра арматур чарашке лектын. Комиссий моло экшыкымат муын.

Л.Камалетдинова.

Опубликовать в Одноклассники