УВЕР ЙОГЫН

Кудывече мотор лийже манын…

Общероссийкский калык фронтын  ола кумдыкым тӱзатымым эскерыше  рӱдерын  координаторжо, «Кажне кечын илымын качествыже» пашаче группын членже Павел Жбанов, верышке лектын, Йошкар-Ола кумдыкым тӱзатыме шотышто сессийым эртарен. Программе почеш тений кудывечыштым тӱзаташ оксам налаш шонышо  шуко пачеран пӧртлаште илыше еҥ-влак дене вашлийын, Марий Элыште  «Йӧнан оласе кумдыкым ыштамаш»  национальный проектым илышыш шыҥдарыме йодыш шотышто муниципальный администрацийын да ОНФ-н чолгаеҥже-влак дене «йыргешке ӱстелым» эртарен.

Калык дене вашлиймыж годым Жбанов кудывечым тӱзатыме дизайн-проект-влакым аклен, ты программым илышыш шыҥдарыме годым виктарыше компаний, муниципальный кучем дене кылым ыштымын, паша кузе шукталтмым мер калык могырым эскераш кӱлмым  палемден. Лебедев ден Сталинград кучедалмашын геройжо-влак уремласе кудывечылаште лиймышт годым еҥ-влак паша кузе вораныме нерген увертарен шогышо стендым вераҥдаш темленыт.

Мут толмашеш, рӱдоласе кудывечылам тӱзатыме дизайн-проектым ыштымашке университетласе студент-шамычым ушымо. Олам тӱзатымашке самырык-влакым ушаш да нунын творческий куатыштым почаш манын, ола администраций студент-влак коклаште эн сай дизайн-проектлан конкурсым увертарен.

Йыргешке ӱстелыште Павел Жбанов муниципалитетыште проектлам ойырен налме да торгым эртарыме годым  шокшым пуышо да инженер сеть ден кылдалтше йодышым варалан кодаш огеш кӱл манын. Тыгак, тудын шонымыж почеш, ак шергештме да чоҥымо пашан качествыже мӧҥгештме деч тендерыш лукмо  документлаште  чылажат чоҥымо нормо да правил дене келшен толшаш.

«Шушаш ийласе  программылан ямдылалтме  семын чыла муниципалитетлаште кызытак кудывече-влаклан инвентаризацийым ышташ тӱҥалман,  субъект кӱкшытыштӧ шукташ кӱлшӧ да тӱзатыме кудывечыла дене ончыкыжым пайдаланыме йодышлам решатлыман», — палемден П.Жбанов.

Е.Садовин.

Опубликовать в Одноклассники

Добавить комментарий