ТАЗАЛЫК

Кокытеланет гын, тергалташ ит ӧр!

Тергалтса

Кокытеланет гын, тергалташ ит ӧр!

21 май – СПИД деч колышо-влакым шарныме тӱнямбал кече

Российыште 15 гыч 21 май йотке СПИД дечын колышо-влакым шарныме тӱнямбал кечылан пӧлеклалтше «Стоп ВИЧ/СПИД» всероссийский акций эрта. Тудын тӱҥ аудиторийже молгунамсе семынак самырык тукым лиеш.  

Москван да Пӱтынь Российын Патриархше Кирилл 21 майыште Руш православный черкын чыла храмыштыже СПИД дечын колышо-влакым уштымо службым эртараш суапландарен.

Тӱрлӧ сынан мероприятий-влакымат палемдыме, мутлан, риск группыш пурышо-влак дене пашам ыштыме поро кумыл, СПИД дене орланыше-шамычлан паллиативный полышым пуымо рӱдер-влаклан полшымо акций-влакым да молымат. Россий Федерацийын Тазалыкым аралыме министерствыже регионласе кучем-влак да Роспотребнадзор дене пырля ВИЧ-лан яра да анонимно тестироватлалташ лийме куснылшо кабинет-влакым организоватлен.

Марий Элыште ВИЧ-лан кажне паша кечын 8 гыч 16 шагат марте СПИД да инфекциян чер ваштареш кучедалме , профилактикым эртарыме республикысе рӱдерыште яра тергалташ лиеш. Рӱдерын адресше: Йошкар-Ола, Келшымаш урем, 95-ше №-ан пӧрт. Регистратурын телефонжо: 63-05-80. Ӱшан телефон: 23-20-44.

Таче кечылан республикысе СПИД-рӱдерын учётыштыжо 1049 еҥ шога, тышечын 14 пациент – 14 ияш марте ийготан йоча. Эпидемий жапыште ВИЧ деч 346 еҥ колен, ты чот гыч 88 черлыже – СПИД деч.  

М.ИВАНОВА.

Опубликовать в Одноклассники

Добавить комментарий