УВЕР ЙОГЫН

Вашкыл пайдале лийшашлан ӱшанат

Эрлашыжым, 7 июньышто, Марий Эл вуйлатыше Александр Евстифеев ден «1С» компанийын директоржо Борис Нуралиев увер  технологий шотышто вашкылым ыштыме нерген соглашенийым подписатленыт.

«1С» компанийын ресуршым ончыкыжым управленческий пашашке цифровизацийым утларак пурташ, республикысе кӱшыл тунемме заведений-влак пелен увер технологий сферылан кадрым ямдылыме да переподготовкым эртарыме годым кучылташ палемдалтеш.

«1С» компаний директор регионышто партнёр кыл икмыняр жап ончычак ышталтме нерген ойлен да каласен:

— Бюджет учет оптимизаций, медицинын автоматизацийже, школ да моло тунемме заведений дене пашам ыштыме шотышто вашкылнам ме ончаш да шараш ямде улына. Тиде вашкыл кок велжыланат пайдале лиеш манын ӱшанена.

Тыгак тиде ойпидыш «Цифровизация экономики» национальный проектым илышыш пурташ полшаш тӱҥалеш, палдара Марий Эл вуйлатышын организаций да аналитике виктемже.

Л.КАМАЛЕТДИНОВА.

Опубликовать в Одноклассники

Добавить комментарий