УВЕР ЙОГЫН

Аныклыше лампыш куснена

Марий Элыште правительствын жаплан келшыше да электровийым аныклыше лампычкым кучылташ тӱҥалме шотышто кӱштымашыже лектын. Тоштемше лампым вашталтыме план 2020 ий марте ышталтын.

Кӱштымаш дене келшышын, бюджет учреждений ден муниципальный орган-влаклан налме чумыр  лампычке гыч тошемшыже тенийлан 90 процент марте шагалемшаш, а 2020 ийлан улыжат 25 процент кодшаш. Лишыл кум ийыште светодиодан тул, тидын шотыштак энергосервисный контрактым кучылтмо дене иквереш шотлымаште, уремлам да корнылам волгалтарымаште тыгай лампын кугытшо 40 процентыш шушаш. Пашам виктарыме дене кылдалше чыла учрежденийыште 2020 ий марте чумыр лампе гыч 75 процент деч шагал огыл ужашыже, а кугыжаныш ден муниципальный органлаште 30 да 20 процентше светодиод лийшаш.

А.АНДРЕЕВ.

Опубликовать в Одноклассники

Добавить комментарий