УВЕР ЙОГЫН

Аза дене шинчем…

 

Мыняр жап гыч мӱшкыран да аза дене шинчыме шотышто пашам пуышо пособийым тӱлышаш.

А.Алексеева.

Йошкар-Ола.

Йодышлан Медведево районсо прокурорын полышкалышыже, 2-шо классан юрист В.В.Ашихмина вашештен:

— «Ава лийме дене кылдалтын жаплан пашам ыштен кертддыме случай годым обязательный социальный страхований нерген» Федеральный Законын 15-ше статьяже дене келышышын, мӱшкыран да аза дене шинчымылан, кӱлеш документым чумырен, ӱдырамашын йодмаш дене лекмыж деч вара пособийым 10 календарь кече жапыште палемдышаш улыт. Пашам пуышо тиде оксам, пособийым палемдыме деч вара, пашадарым пуаш палемдыме эн лишыл кечыште пуышаш.

 

Тергат мо?

Верысе кучемыш йодмаш дене лекмеке, тудым кужу жап огыт ончо гын, тыгай вуйлатыше-влакым мут кучаш шогалтен кертыт мо?

Н.Зайцев.

Медведево район.

Йодышлан Медведево районысо прокурорын алмаштышыже, юстиций советник А.А.Пекшеев вашештен:

— Кертыт. РФ-н Административный правам пудыртымаш нерген  кодекс дене келышышын, граждан-влакын йодмашыштым ончен лекме радамым пудыртымылан кугыжаныш ден верысе кучемын органже-влакын должностной лицаштым мут кучаш шогалтат да 5 гыч 10 тӱжем теҥге марте штрафым тӱлаш палемден кертыт.

 

Врач деч посна…

Врачын назначенийже деч посна наркотикан але психотропный вещества дене пайдаланымылан мут кучаш шогалтен кертыт мо?

К.Васильев.

Советский район.

Йодышлан Медведево районысо прокурорын алмаштышыже, юстиций советник А.А.Пекшеев вашештен:

— РФ-н Административный правам пудыртымаш кодексше дене келшышын, наркотик але психотропный вещества дене врачын назначенийже деч посна пайдаланымылан але айдемылан эҥгекым ыштен кертше у психоактивный вещества дене пайдаланымылан, але уполномоченный должностной лицан гражданинын руштмыжым тергаш полшышо освидетельствованийым эртараш йодмашым шукташ тореш лиймыжлан (тидын шотышто тогдайымаш уло гын, тудым пеҥгыдемдаш манын) административно мут кучаш шогалтат.  Мутлан, кодшо ийын районысо прокуратурын представленийжым ончен лекмеке, правам пудыртышым административно мут кучаш шогалтыдымылан  эсогыл полицийын пашаеҥжымат мут кучаш шогалтыме.

С.Носова ямдылен.

Опубликовать в Одноклассники

Добавить комментарий