УВЕР

Полшымо олмеш – тореш тоя

Медведево районышто ӱдырамаш мланде участкым собственностьыш налын да тушан пӧртым чоҥаш шонен пыштен. Но тылеч ончыч тудым нӧлташ разрешенийым налаш кӱлын. Документлан Медведево муниципальный образованийын администрацийышкыже йодын миен.

Власть органыште ӱдырамашым сайынак ӧрыктареныт: амалжым умылтарыде, тудлан разрешенийым пуаш тореш лийыныт. Тунам администрацийын пӧртым чоҥаш документым пуаш торешланымыжым  закондымылан шотлаш судыш пуэн. Суд ӱдырамашын искшым чынлан шотлен, Медведево район администрацийлан разрешенийым пуаш темлен.

Судын лукмо исполнительный документым Медведево районысо суд пристав отделыш колтеныт. Исполнительный производствым почмо деч вара пунчалын копийжым администрацийыш колтеныт. Законым аралышаш да шуктышаш орган, тудым пудыртымылан 50 тӱжем теҥге штрафым тӱлымӧ деч утлаш манын, разрешенийым вич кечыште ыштен да ӱдырамашлан кучыктен. Тудыжо ынде нимогай чарак деч посна шкаланже пӧртым нӧлташ тӱҥал кертеш.

А.АНДРЕЕВ.

Опубликовать в Мой Мир
Опубликовать в Одноклассники

Добавить комментарий

Ваш e-mail не будет опубликован. Обязательные поля помечены *